| Empreza | Labadain Innovation eXperience (LIX) |
| Pozisaun | AI Engineer, Software Engineer & Mobile App Dev. (nain-3) |
| Baze ba Empregu | Tempu Inteiru |
| Termu | Estájiu profisionál |
| Durasaun | Fulan neen (Posibilidade atu renova ba termu seluk) |
| Lokalidade | Rua de Tali Laran 1, Moris Foun, Comoro, Dom Aleixo, Dili |
- Kona-ba LIX
Labadain Innovation eXperience (LIX) nu’udar empreza multidisiplinár Timoroan nian ne’ebé foka ba inovasaun bazeia ba koñesimentu, siénsia, no teknolójia moderna ho baze intelijénsia artifisiál (AI). Harii liuhosi esperiénsia, LIX kombina hanoin kreativu ho solusaun teknolójika avansada – AI, siénsia ba dadus, no teknolojia emerjente sira – hodi rezolve problema reál sira.
LIX iha kompromisu atu transforma ideia ba iha solusaun sira-ne’ebé serve ba apoia tomada desizaun estratéjika sira, automatizasaun prosesu operasionál, modernizasaun administrasaun no jestaun ba negósiu, no asisténsia ba tradusaun no produsaun relatóriu sira. LIX mós fornese serbisu asisténsia ba orientasaun akadémika, revizaun, no produsaun monografia, disertasaun, no teze estudante sira ensinu superiór nian. LIX prioritiza kualidade no garante liuhosi solusaun sistematizada ho kontrolu ne’ebé rigór.
Serbisu sira-ne’ebé LIX oferese mak hanesan tuirmai ne’e:
- Inovasaun ba sistema personalizadu adopta AI;
- Transforma dadus sai informasaun estratéjika (data analysis);
- Peskiza no dezenvolvimentu ba sistema informasaun;
- Konsultoria ba negósiu no jestaun;
- Konsultoria ba edukasaun no ensinu;
- Konsultoria ba relatóriu no tradusaun; no
- Ajénsia ba notísia online.
LIX nu’udar imi-nia parseiru ba inovasaun, transformasaun dijitál, no modernizasaun institusionál. Hakarak halo transformasaun ba ita-nia instituisaun, bele konta ho LIX.
2. Responsabilidade Xave Sira
Estajiáriu sira sei aprende tuir ida-idak nia tarefa sira hanesan tuirmai ne’e:
2.1. AI Engineer
- Aprende no aplika konseitu báziku Natural Language Processing (NLP), Information Retrieval (IR), no Generative AI ba projetu reál.
- Kolekta, prepara, no analiza dadus ne’ebé atu uza ba hodi treinu modelu AI.
- Aprende treinu modelu AI ne’ebé bele uza ba downstream applications.
- Testa no avalia performanse modelu AI.
- Kolabora ho ekipa teknika seluk atu integra sistema AI ba aplikasaun.
- Serbisu seluk ne’ebé superiór haruka.
2.2. Software Engineer
- Aprende no prátika hodi dezenvolve software applications.
- Aprofunda programasaun no framework popular sira ba software development.
- Dezenvolve dokumentasaun téknika no manual utilizadór.
- Kolabora ho ekipa teknika seluk atu dezenvolve aplikasaun.
- Serbisu seluk ne’ebé superiór haruka.
2.3. Mobile App Developer
- Aprende no dezenvolve aplikasaun ba Android no iOS.
- Aprende uza framework sira ba mobile development.
- Dezeña no implementa interface ba utilizadór.
- Integra aplikasaun ho database no API.
- Deploy aplikasaun iha Play Store ga App Store.
- Serbisu seluk ne’ebé superiór haruka.
3. Kritériu Sira ba Selesaun
- Lisensiatura iha Computer Science, Informatics Engineering, Information Systems, ka área relasionadu sira.
- Joven klosan (feto/mane) ho idade entre 17 no 30.
- Iha koñesimentu ba linguajen programasaun sira hanesan Python, PHP, ka Java.
- Iha koñesimentu báziku kona-ba framework sira ba AI (Machine Learning, Deep Learning, LLMs), web application (backend, frontend, and styling), ka mobile application.
- Hatene lian Inglés (ko’alia, lee, no hakerek).
- Iha portátil rasik.
4. Vantajen Sira
- Aprende ho seniór.
- Serbisu iha ambiente ho koneksaun internet ne’ebé lalais tebes.
- Almosu iha serbisu fatin.
- Partilla espasu ho joven sira-ne’ebé ho idade hanesan.
5. Oinsá atu aplika?
Submete ita-nia pedidu estájiu no diriji ba Diretór LIX, Gabriel de Jesus, PhD, ho asuntu “Estájiu_[AI Eng. / Software Eng. / Mobile App Dev.]”, liuhosi email ola@labadain.com , antes 31 dezembru 2025 tuku 17:30 HTL. Ami sei kontaktu de’it ida-ne’ebé ami presija.
Leave a Reply